Lahtasa ja sajjásadtja

Lä vuostak almatjjiena ma mierredi maggár kandidáhta välljiduvvuji.

Ruodtjolvis, dat hållá tsaggam, sisavälljiduvvut almatjjienaj bakkto lä ahte kandidáhtan lä udtjum binnámus 5 prosienta partija gájk jiednalågost, men binnámus 25 almatjjiena.

Jus kandidáhttanamma gävdnu ienap umasse listojn sämmi partijaj rekknuduvvuji almatjjiena tjåhkkáj dajst listojst.

Dajst ma lä biessam tsaggamav lä dat kandidáhtta mij lä udtjum ienamus almatjienajt mij udtju partija vuostas mandáhtav. Dat gie lä udtjum mubbe ienamus almatjjienajt udtju mubbe mandáhtav ja nåvt.

Jus ienap kandidáhta lä udtjum sämmi iedna jienajt dä lienastivvra giessá vuorbev daj gaskan.

Jus partija lä udtjum ienap mandáhtajt gu kandidáhta ma lä biessam almatjjiena tsaggamav dä aneduvvu nåvt gåhtjoduvvum ålleslåhkovuohke (giehtja vuällen) gu ietjá lahtasa mierreduvvuji.

Ålleslåhkovuohke lä vuohke mierredit lahtasijt ma ie lä almatjjienaj välljiduvvum.

Ålleslåhkovuohke buakktá välljimsedila urdniduvvuji dan kandidáhttanama mehti mij lä bajemusan ienamus välljimsedelijn. Ij lágeduvvu kandidáhtajst ma lä mierreduvvum lahtasijda almatjjienaj tjara.

Jus partija adná bär aktav listov dä mandáhta praktijkan vaddeduvvuji kandidáhtajda dan urdniga mihte mij lä liston.

Jus partija adná ienap listojt dä rekknum sjaddá vil vijdáp. Rekknumvuorro dagaduvvu fiert mandáhttaj mij gallgá mierreduvvut. Fiert vuoro maŋŋel dat gie lä juo sisavälljiduvvum ij rekknuduvvu ja välljimsedila tjuoldeduvvuji årråsit namaj mehti ma lä bajemusan.

Årrå buohtalågojlåhko rekknuduvvu maŋep nammaj liston gunne namma mij väldij mandáhtav tjuodtjoj. Ietjá kandidáhta, ma lä bajemusan, idni ietjase buohtalågojlågov kuora. Dan nammaj mij dál adná bajemus buohtalågojlågov vaddeduvvu maŋep mandáhtta.

Ja nåvt jåttká rekknum dasa gu gájk mandáhta lä biejaduvvum. Jus buohtalågojlåhko lä sämmi guäkkte jala ienap kandidáhtaj gaskan dä vuärrbe gieseduvvu sajjáj daj gaskan.

1. Rekknu tsaggamav almatjienaj hárráj. Tsaggam almatjjienaj hárráj lä 5 prosienta jienajst partijast. Danen gu 5 prosienta 410 jienajst lä 21 jiena merrki ahte akkta kandidáhtta Partija X åvdåst verrtij ådtjot binnámus 21 almatjjiena välljiduvvut almatjjienaj tjara.
2. Duädden lä ruodtjolvis binnámus 25 almatjjienajst. Partija X åvdåst merrkiji binnámus 25 jiena dán bálen.
3. Giehtjada gie lä biessam tsaggamav almatjjienaj hárráj. Guäkkte kandidáhta, Karin Kanna ja Björn Baer, dävvdaba ruodtjolvasajt välljiduvvut almatjjiena tjara ja mierreduvvuba danen lahtasin.
4. Danen gu ällä ietjá kandidáhta dävvdám ruodtjolvasajt almatjvälljimij gallgá gålmát mandáhtta mierreduvvut ålleslåhkovuoge mehti.
5. Gádoda kandidáhtajt ma lä válldám mandáhtajt ja giehtja maggár kandidáhta lä dál bajemusan listojn. Bajemusan fiert liston gu vuostas mandáhta lä mierreduvvum lä Anders Andersson (lissto 00100) ja Linn Loman (lissto 00200).
6. Rekknu buohtalågojlågov dajda kandidáhtajda ma lä bajemusan. Daj buohtalågojlågo lä sämmi gu jienalågo fiert lisstuj, dat hållá 151 Anders Anderssona åvdåst ja 259 Linn Lomana åvdåst.
7. Dat mij adná alemus buohtalågojlågov, Linn Loman, udtju gålmát mandáhtav.

1. Verrtiji agev mierreduvvut binnámus gålbmå sajjásadtja fiert lahtasij. Akkta almatj máhttá sajjásatj årrot ienap lahtasijda.
2. Giehtjada jus nágan kandidáhtta máhttá mierreduvvut sajjásadtjan almatjjienaj hárráj. Vásstádis lä ij, kandidáhta ma lä biessam tsaggamav lä juo mierreduvvum lahtasin.
3. Danan gu lahtasa ma lä mierreduvvum buhti gåbbátjak listojst dä Partija X udtju guäkkte juhkusa sajjásadtjaj, dat hållá guäkkte nåvt gåhtjoduvvum sajjásatjjuhkusa.
4. Karin Kannaj ja Linn Lomanij sjiddi sajjásadtjan da gålbmå ma tjuvvu lagamus daj maŋŋel liston nr 00200. Dá lä Marianne Monet, Nina Nutti ja Olof Omma ma sjiddi sajjásadtjan gåbbátjak Kanna ja Lomana åvdåst.
5. Björn Baerij sjiddi sajjásadtjan da gålbmå ma lä bajemusan liston nr 00100 ietján gu sån ietj, dat hållá Anders Andersson, Carl Calais ja David Denson. Da sjiddi sajjásadtjan bär Baera åvdåst.