Published: 9 June 2022
Jienastanlohkan ja válgabohtosat
Dás lea diehtu got jienastanlohkan čađahuvvo ja maid got ožžot válgabohtosiid Sámediggeválggas.
Leanastivra Norrbottenis álgá jienastanlohkama mánnodaga, vahku maŋŋel válggaid.
Jienat dárkkistuvvot ja jienastankonvoluhtat bidjot jienastanlihttái
Leanastivra guorahalla jienaid. Jus jienat leat dihto ortnega jelgi dahkon de jienat bidjojuvvot jienastanlihttái ja sii merkejit jienastuslogus ahte leat jienastan.
Dárkkisteapmi jienastanbáikejienain
Vuos jietnalohkkit dárkkistit jienaid jienastanbáikkiin. Sii rahpet daid dohkkehuvvon konvoluhttaid ja váldet jienastankonvoluhttaid.
Jus jienastankonvoluhta lea ortnegis de jietnalohkki bidjá dan jienastanlihttái ja merke jienastuslogus ahte leat jienastan.
Jienasteaddjjii namma lea jienastangoarttas. Jienastangoarta doaibmá maid konvoluhttan ja go jietnalohkki bidjá jienastankonvoluhta jienastanlihttái de namma ja jietna sirrejuvvot. Nu ládje ii oktage dieđe maid leat jienastan.
Dárkkisteapmi reivejienain
Go jietnalohkkit leat dárkkistan visot jienastanbáikkejienaid de sii dárkkistit reivejienaid. Sii gehččet ahte sii čuvvot vissis ortnega.
Jietnalohkkit dárkkistit ahte jienasteaddji ii leat merkejuvvon jienastuslogus.
Jus lea nu ahte jienasteaddji namma lea merkejuvvon jienastuslogus de dat mearkaša ahte jienasteaddji lea juo jienastan jienastanbáikkis. De reivejietna hilgojuvvo ja sii eai bija dan jienastanlihttái.
Jienastanlihtti gurrejuvvo ja jienastanlihput lohkejuvvot
Go leanastivra lea dárkkistan jienaid ja bidjan daid dohkkehuvvon jienastankonvoluhttaid jienastanlihttái de jienastanlihtti gurrejuvvo. Jietnalohkkit rahpet jienastankonvoluhttaid ja váldet jienastanlihpuid.
Vuos lohket jienastanlihpuid juohke jovkui, bellodahki dahje sullasaš ovttastussii. De sii lohket galle jienaid evttohasat ožžot.
Leanastivra árvvoštalla jienastanlihpuid
Leanastivra árvvoštalla jienastanlihpuid ná:
- Jus jienasteaddji lea merken guokte dahje eanet evttohasaid de bellodat ožžo jiena muhto ii evttohasa.
- Jus jienasteaddji lea bidjan guokte dahje eanet jienastanlihpuid ovtta bellodagas jienastankonvoluhtii ja das leat sierralágán evttohaslisttu de bellodat oažžu jiena muhto ii evttohasa. Bellodat oažžu jiena muhto ii evttohasa jus jienasteaddji lea merken máŋga evttohasaid jienastanlihpus.
- Jus jienasteaddji sihko dahje lasida evttohasnama jienastanlihppui de leanastivra ii beroš dan jienas.
Jienastanlihput mat hilgojuvvot
Jienastanlihput hilgojuvvot jus:
- Jienastanlihpus ii leat bellodaga namma.
- Jienastanlihpus leat dovdomearkkat, mat leat eaktodáhtolaččat dahkon, omd jienastanlihpus lea jienasteaddji namma.
- Jienastanlihpus lea eanet go okta bellodatnamahus dahje jienastankonvoluhttas leat máŋga jienastanlihput sierra bellodagas.